வேதபண்டிதராய் பரிணமித்த மகரிஷி ஜரத்காரு!

புராண காலத்தில் வாழ்ந்திருந்த முனிவர்களும் ரிஷி புங்கவர்களும் வேதங்களையும், தர்ம சாஸ்திரங்களையும் நன்கு கற்றுணர்ந்து மனித சமுதாயத்திற்கு அரும்பணியாற்றி உள்ளார்கள். மூப்பு, பிணி, இறப்பு முதலியவற்றையும் கடந்து பல்லாண்டு காலம் பூமியில் வாழ்ந்து, தம்முடைய வாழ்நாளில் ஏதேனும் செயற்கரிய காரியங்களை நிகழ்த்தி புராண வரலாறுகளில் நிலையான இடங்களை பிடித்த மகரிஷிகள் பலர் உண்டு. இவர்களில் பலர் தர்ம நியதிகளை தாம் கற்றறிந்த வேதசாரங்கள் மற்றும் சாஸ்திரங்கள் முதலியவற்றின் அடிப்படையில் மக்களுக்கும் மன்னர்களுக்கும் எடுத்து இயம்பி சமுதாயம் குறைவின்றி வாழ வழி வகுத்தார்கள். சில மகரிஷிகளின் வாழ்க்கை வரலாறுகள் வினோதமான நிகழ்வுகளை கொண்டதாக இருந்த போதிலும், இறுதியில் அவர்களின் வாழ்வே ஒரு வரலாற்று பெட்டகமாய் அமைந்து வழிவழியாய் வரும் சந்ததியருக்கு நல்வழி காட்டுவதாய் அமைந்தன.