அமெரிக்காவின் டெக்சாஸ் நகரத்தின் ராதாகிருஷ்ணா ஆலயம்!

இந்து மதம் தழுவியுள்ள வெளிநாடு வாழ் மக்கள் உலகமெங்கிலும் பரந்த அளவில் வசித்து வருகின்றார்கள். இவர்களின் ஆன்மீக தேடலுக்கும் பாரம்பரிய குடும்ப சடங்குகளுக்கும், பண்டிகைக்கால கொண்டாட்டங்களுக்கும் ஒரு ஆலயம் என்பது மிகுந்த அத்தியாவசிய தேவையாகின்றது. இந்த அடிப்படை தேவையை உணர்ந்து கொண்ட வெளிநாடு வாழ் இந்து சமயிகள், “ஆலயம் தொழுவது சாலவும் நன்று” என்ற தத்துவ கருத்தை மனதிலே இருத்தி அவர்கள் வாழுகின்ற இடத்திலே அழகான அற்புதமான ஆலயத்தை எழுப்பி விடுகின்றார்கள். இவ்வாறு செய்வதன் மூலமாக தம்முடைய “அன்னை தேசத்தை” தாம் வாழுகின்ற அன்னிய பூமிக்கு கொண்டு வந்து விடுகின்றார்கள். இப்படியாக பிற தேசங்களில் எழுப்பப்பட இந்து ஆலயங்கள் அவர்களின் எல்லாவிதமான ஆன்மீக தேடல்களுக்கும் விடையாக அமைகின்றது என்றால் அது மிகையாகாது. இதைத் தவிர ஜாதி, இனம், மொழி என்ற வேற்றுமைகளும் நீங்கப் பெற்று இந்து மகாஜனங்கள் என்ற சங்கமத்திலே அவர்கள் ஆழ்ந்து விடுகின்றார்கள், அதனால் வரும் மகிழ்ச்சியையும் ஆனந்தத்தையும் ஒருசேர அனுபவிக்கின்றார்கள்.

அமெரிக்காவில் ஆஸ்டின் நகரத்தின் தென்மேற்கில் மழை பாங்கான இடத்தில் ராதாமாதவ் தாம் எனப்படுகின்ற ராதாகிருஷ்ணர் ஆலயம் அமைந்துள்ளது. அமெரிக்காவில் இருக்கின்ற இந்து ஆலயங்களிலும் ஆசிரமத்திலும் இதுவே மிகப் பெரியது என சொல்லப்படுகின்றது. ஒவ்வொரு நாளும் நூற்றுக்கணக்கான பக்தர்களையும் வருகையாளர்களையும் இந்த ஆலயம் வரவேற்றுக் கொண்டிருக்கின்றது. அவ்வாறு செய்யும் போது அவர்களின் பின்புலம் ஏதும் கருதாது அவர்களை ஆலயத்தின் மதச் சேவைகள், குடும்ப விழாக்கள் மற்றும் ஆன்மீக பண்டிகைகளுக்கு மனமுவந்து வரவேற்கின்றது. அதே சமயம் இதர ஒத்த மத அமைப்புகளுக்கு தகுந்த ஆதரவு அளித்து தர்மகைங்கரியங்களுக்கு உதவி செய்து இதர மதங்களுக்கிடையேயான உறவை வலுப்படுத்துகின்றது. ராதாகிருஷ்ணருக்கான பக்தியை அர்ப்பணித்து பக்தர்களின் உத்வேகத்தை அதிகப்படுத்துவதே இந்த ஆலயத்தின் பிரதான நோக்கமாக விளங்குகின்றது.